3

Pensiya miqdori ish stajining muddatiga bog‘liq bo‘lib, quyidagilardan tarkib topadi:

• pensiyaning tayanch miqdoridan;
• ish staji uchun pensiyaning oshirilishidan;
• pensiyaga qo‘shiladigan ustama haqlardan.

Pensiyaga qo‘shiladigan ustama haqlar:

• I guruh urush nogironlariga pensiyani hisoblash bazaviy miqdorining 150 foizi;
• II guruh urush nogironlariga pensiyani hisoblash bazaviy miqdorining 125 foizi;
• ko‘zi ojizlik bo‘yicha I guruh nogironlariga  pensiyani hisoblash bazaviy miqdorining 100 foizi;
• I guruh nogironlariga pensiyani hisoblash bazaviy miqdorining 75 foizi;
• II guruh yolg‘iz nogironlariga — pensiyani hisoblash bazaviy miqdorining 75 foizi;
• urush qatnashchilari va ularga tenglashtirilgan shaxslarga pensiyani hisoblash bazaviy miqdorining 50 foizi;
• 1941—1945-yillardagi urush davrida mamlakat ichkarisida ishlagan va harbiy majburiyatni bajargan shaxslarga pensiyani hisoblash bazaviy miqdorining 30 foizi;
• vafoti harbiy xizmat yoki ichki ishlar organlaridagi xizmat majburiyatlarini bajarish bilan bog‘liq harbiy xizmatchilarning hamda ichki ishlar organlari xodimlarining ota-onalariga va yangi nikohdan o‘tmagan beva xotinlariga (beva erlariga) pensiyani hisoblash bazaviy miqdorining 30 foizi.