O‘zbekiston Respublikasining “Fuqarolarning davlat Pensiya ta’minoti to‘g‘risida” gi qonuniga muvofiq, shuningdek pensiya ta’minoti tizimi tuzilmasini yanada takomillashtirish, O‘zbekiston Respublikasi Moliya vazirligi huzuridagi byudjetdan tashqari Pensiya jamg‘armasi tomonidan pensiya va ijtimoiy nafaqalar uchun to‘lovlarni to‘liq hajmda moliyalashtirish va to‘lashni amalga oshirish hamda Respublika fuqarolarining pensiya ta’minotiga yo‘naltirilgan mablag‘larini maqsadli sarflanishida nazoratni kuchaytirish maqsadida Respublika Prezidentining yuqorida qayd qilingan farmoni bilan 2010 yil 1 yanvardan boshlab pensiya va ijtimoiy nafaqalarni tayinlash, moliyalashtirish, pensiya, shuningdek ijtimoiy nafaqalar, kompensatsiya va boshqa to‘lovlar hisobi va bu yuzadan monitoring yuritish byudjetdan tashqari Pensiya jamg‘armasi hududiy bo‘linmalari tomonidan amalga oshirilishi belgilab qo‘yildi. Bu bilan O‘zbekiston Respublikasi Moliya vazirligi huzuridagi byudjetdan tashqari Pensiya jamg‘armasining hududiy bo‘linmalarini tashkil qilish, fuqarolarning vrachlik mehnat-ekspertizasi va pensiya ta’minotining barcha kompleks masalalariga mas’ul bo‘lgan O‘zbekiston Respublikasi Mehnat va aholini ijtimoiy muhofaza qilish vazirligi tizimiga kiruvchi muvofiq tuzilmalarning xizmat vazifalarini O‘zbekiston Respublikasi Moliya vazirligi huzuridagi byudjetdan tashqari Pensiya jamg‘armasining hududiy bo‘linmalariga o‘tkazish hisobiga amalga oshirildi.